Grunur um mögulegt strok á eldisfiski í Reyðarfirði

Mat­væla­stofnun hefur hafið rann­sókn á mögu­legu stroki eld­is­fisks frá Kaldvík í Reyð­ar­firði eftir að þrjú göt fund­ust á nót­ar­poka í einni kvínni á eld­is­svæð­inu Hafra­nesi. Til­kynn­ing um atvikið barst stofn­un­inni þriðju­dag­inn 18. nóv­em­ber.

Götin upp­götv­uð­ust við reglu­bundið neð­an­sjáv­ar­eft­ir­lit og var við­gerð fram­kvæmd sam­dæg­urs. Öll voru göt á u.þ.b. 16 metra dýpi, hlið við hlið og langsum eftir pok­anum. Stærðir þeirra voru ann­ars vegar 16 x 5 sentí­metrar, 14 x 4 sentí­metrar og 12 x 4 sentí­metrar.

Í kvínni voru 193.164 laxa­seiði með með­al­þyngd 214 grömm. Síðast hafði verið fram­kvæmt neð­an­sjáv­ar­eft­ir­lit 29. októ­ber og þá voru engin merki um skemmdir á bún­að­inum.

Fyr­ir­tækið taldi litlar líkur á stroki og virkj­aði ekki við­bragðs­á­ætlun. Mat­væla­stofnun telur þó ekki hægt að úti­loka að fiskur hafi kom­ist undan og hefur því ákveðið að hefja rann­sókn á mál­inu.

Frekari upp­lýs­ingar verða veittar þegar rann­sókn miðar áfram.