„Haltu kjafti, snúðu skafti og skíttu á þig þarna ríkisstjórn!“

Edda Björg­vins­dóttir sendi frá sér enn eitt bráð­fyndið mynd­skeið í dag á Facebook, í gervi Guðríðar gömlu þar sem hún segir hana vera komna í jólaglög­gið. Í þetta skiptið gerði hún stólpa­grín að stjórn­ar­and­stöð­unni á Alþingi sem sumir segja að stundi mál­þóf um þessar mundir.

Guðríður gamla, sem er hægri sinnuð og sjaldan edrú, er ánægð með stjórn­ar­and­stöð­una og gefur frat í rík­is­stjórn­ina. Gefum henni orðið:

„Ég get sagt ykkur það, að við þarna í stjórn­ar­mót­stöð­unni, við þurfum svo­leiðis að láta ykkur hafa það, alveg sama hvaða mál þið komið með, við ætlum svo­leiðis að skemma og hrækja og trampa og tala í marga, marga klukku­tíma um rass­gatið á okkur.,“ segir Guðríður hlæj­andi og heldur áfram: „Og þið bara rétt ráðið hvort þið látið okkur ekki hafa það sem við eigum. Ég á þetta, ég má þetta og ég vil fá þetta aftur.“

Endar Guðríður gamla röfl sitt á að segja: „Og svo bara haltu kjafti, snúðu skafti og skíttu á þig þarna rík­is­stjórn!“