Selja lúxusheimili við náttúruperlu

Við Dýjagötu 4 í Garðabæ er til sölu ein­stak­lega glæsi­legt og vel skipu­lagt 224,4 fer­metra rað­hús með bíl­skúr.

Um er að ræða eft­ir­sótta stað­setn­ingu í Urriða­holti þar sem fal­legt útsýni nýtur að Urriða­vatni og nær­liggj­andi nátt­úru.

Húsið er á tveimur hæðum og býður upp á fjögur rúm­góð svefn­her­bergi, sjón­varps­stofu og stórt alrými þar sem eld­hús, borð­stofa og stofa mynda sam­fellda og bjarta heild. Tvær svalir eru á hús­inu, báðar með afar fal­legu útsýni, auk rúm­góðra hellu­lagðra ver­anda til suð­urs og norð­urs. Í bak­garði er heitur pottur sem setur punkt­inn yfir i-ið hvað varðar úti­vist og afslöppun.

Tvö bað­her­bergi eru í hús­inu, eitt á hvorri hæð, auk stórs þvotta­her­bergis með geymslu­að­stöðu. Húsið er hið vand­að­asta, með auk­inni loft­hæð í öllum rýmum, hljóð­dúk á efri hæð og gólf­hita­kerfi á báðum hæðum. ABB Free@Home ljósa­stýr­ing er í hús­inu, inn­felld lýs­ing í loftum og dimmerar á öllum ljósum. Falleg kvöld­lýs­ing er við stig­ann á milli hæða sem und­ir­strikar hönnun og gæði eign­ar­innar. Eldhús og bað­her­bergi eru búin vönd­uðum tækjum og blönd­un­ar­tækjum.

Stað­setn­ing eign­ar­innar er ein­stak­lega góð, í einni af fal­legri götum höf­uð­borg­ar­svæð­is­ins. Í næsta nágrenni eru vin­sælar göngu- og hjóla­leiðir í kringum Urriða­vatn og stutt er í fal­lega stíga Heið­merkur.

Þá er stutt í alla helstu verslun og þjón­ustu, leik­skóla og grunn­skóla. Golfá­huga­fólk kann einnig að meta að einn glæsi­leg­asti golf­völlur lands­ins, hjá Golf­klúbbnum Oddi, er í næsta nágrenni.

Eig­end­urnir vilja fá 199.900.000 fyrir húsið.