Bleikjuseiði sluppu úr keri við Tálknafjörð

Mat­væla­stofnun hefur hafið rann­sókn á atviki þar sem bleikju­seiði sluppu úr eld­iskeri í fjöru skammt frá Tálkna­fjarð­ar­höfn í lok des­em­ber. Stofn­un­inni barst nafn­laus ábend­ing föstu­dag­inn 9. jan­úar 2026 um dauð og hálf­dauð bleikju­seiði í höfn­inni.

Við eft­ir­grennslan Mat­væla­stofn­unar kom í ljós að atburður hafði átt sér stað hjá fyr­ir­tæk­inu Tungu­sil­ungi 30. des­em­ber 2025. Þá flæddi yfir í eld­isker með þeim afleið­ingum að eld­is­fiskur komst út í sjó.

Samkvæmt upp­lýs­ingum frá rekstr­ar­leyf­is­hafa voru um 27 þús­und fiskar í ker­inu þegar atvikið átti sér stað. Að mati rekstr­ar­að­ila fóru aðeins nokkrir tugir fiska úr ker­inu, en ekki verður hægt að stað­festa fjöld­ann fyrr en kerið hefur verið tæmt, sem áætlað er að verði gert á næstu vikum.

Rekstr­ar­að­ili telur jafn­framt að flestir, ef ekki allir, fisk­arnir sem sluppu hafi verið dauðir eða laskaðir. Með­al­þyngd fiska í ker­inu var um 35 grömm.

Þá kemur fram að við­bragðs­á­ætlun vegna stroks var ekki virkjuð í kjöl­far atviks­ins. Mat­væla­stofnun vinnur nú að rann­sókn máls­ins og mun gefa út skýrslu þegar rann­sókn­inni er lokið.