Farþegi hjá Spirit Airlines lenti í heiftarlegum orðaskiptum við starfsfólk flugfélagsins áður en lagt var af stað í Karíbahafinu, og var á endanum hent út úr vélinni ásamt tveimur frönskum bolabítum sínum, en allt þetta náðist á myndband.
TMZ hefur undir höndum myndskeið frá atvikinu sem átti sér stað á fimmtudag um borð í flugvélinni, sem þá stóð á flugbrautinni á Cyril E. King-flugvellinum í St. Thomas á Bandarísku Jómfrúareyjum.
Á upptökunni sést konan greinilega ævareið þegar hún rífst við tvo starfsmenn flugfélagsins. Hún virðist vera að kvarta yfir sæti sínu og bendir ítrekað á númer á farangurshillu fyrir ofan.
Aðstæður urðu fljótt óreiðukenndar. Öryggisverðir gripu inn í, drógu konuna út úr vélinni og niður stigann út á flugbrautina, á meðan annar starfsmaður leiddi hundana tvo út úr vélinni.
Heimildir TMZ segja að konan hafi „hegðað sér eins og brjálæðingur“ og verið að öskra blótsyrði. Einnig er haft eftir heimildum að hún hafi verið að skipa starfsfólki Spirit Airlines fyrir.
Hundarnir tveir sátu í fremstu röð og urðu vitni að öllu saman þegar eigandi þeirra var leidd niður stigann í handjárnum og streittist á móti lögreglunni. Aðrir farþegar heyrast anda djúpt og bregðast við á meðan þeir taka upp atburðina með farsímum sínum.
Góðu fréttirnar eru þær að vélin fór í loftið skömmu síðar og lenti á áfangastað sínum í Fort Lauderdale í Flórída.
Athugasemdir