Það var heldur betur höfðingjafundur á Tenerife hjá henni Önnu Kristjánsdóttur miðað við ljósmynd sem hún setti á samfélagsmiðla. Var hún þar stödd á bar með Brynjari Níelssyni, fyrrum þingmanni og dómara, og Eiríki Haukssyni söngvara.
„Við höfðum fjölmennt á Búkkann í gærkvöldi hvar Brynjar Níelsson færði mér umsóknareyðublað um inngöngu í Sjálfstæðisflokkinn, en Eiríkur Hauksson færði honum á móti umsóknareyðublað um starf siðameistara við norsku hirðina og veitir víst ekki af eftir síðustu vendingar á þeim bænum og enginn efast um mikla hæfileika Brynjars á því sviði. Svo er hann orðinn atvinnulaus,“ skrifar Anna um hittinginn á Facebook.
„Oddný Harðardóttir lét hinsvegar umsóknina í Sjálfstæðisflokkinn hverfa og heim fór ég eftir nokkra drykki og enn jafn ráðvillt í pólitískum efnum eftir að Sjálfstæðismenn urðu forystusauðir í flestum framboðum fyrir borgarstjórnarkosningarnar í vor,“ hélt hún svo áfram.
„Ekki orð um það meir,“ skrifaði hún svo að lokum.
Athugasemdir