Lífeindafræðingurinn Helga Sigrún Sigurjónsdóttir vandar Hopp ekki kveðjurnar í færslu sem hún birti á samfélagsmiðlum. Þar greinir hún frá því að hún sé rúmliggjandi vegna hlauphjóls sem skilið var eftir á hjólreiðastíg í Laugardalnum.
„Þetta andskotans hlaupahjól #Hopp var á hjólastígum í Laudalnum í morgun Ég hjólaði á það og datt. Hjólið mitt bilað og ég rúmliggjandi. Ég hef oft velt fyrir mér hvort mikill hluti þeirra sem nota Hopp hjól séu hálfvitar. Hjólunum er laggt á miðja hjólastíga og heppni ef þau liggja ekki bara þvert á stíginn,“ segir Helga og spyr hvað sé hægt að gera í þessu.
Yfir 60 manns hafa skráð athugasemdir við færslu hennar og óskað henni bata. Þá eru margir hneykslaðir á Hopp og notendum þess.
Kvörtunum vegna Hopp hjóla hefur fjölgað mikið með aukinni notkun á hjólunum og tala margir fyrir því að notendur eigi að skila hjólunum á tiltekin svæði, eins og í öðrum löndum, í stað þess að geta losað sig við þau hvar sem er.
Þá hafa læknar á bráðamóttöku Landspítalans gert ítrekað athugasemdir við að hægt sé að nota hjólin í miðbæ Reykjavíkur á nóttunni þegar fólk er búið að drekka áfengi.
Athugasemdir