Glæsilegt og afar rúmgott einbýlishús við Lækjarás 8 í Árbæ í Reykjavík er nú komið á sölu. Um er að ræða eign á tveimur hæðum sem er skráð alls 368 fermetrar að stærð og var byggð árið 1982.
Á efri hæð hússins eru stórar og bjartar stofur með opnu eldhúsi sem skapa rúmgott og fjölskylduvænt alrými. Þar eru einnig þrjú svefnherbergi og tvö baðherbergi.
Neðri hæð eignarinnar býður upp á mikla möguleika, meðal annars fyrir allt að 90 fermetra aukaíbúð með stofu, tveimur svefnherbergjum, eldhúsi, þvottahúsi og baðherbergi. Auk þess er á neðri hæð stór bílskúr, þvottahús og rúmgott aukaanddyri með miklu skápaplássi.
Garðurinn er sérstaklega glæsilegur með stórum sólpalli, heitum potti og gróðurhúsi sem eykur enn á möguleika eignarinnar til útivistar og notalegra samverustunda.
Óskað er eftir tilboði í eignina.
Athugasemdir