Öfund margra í Laugardalnum til sölu

Glæsi­legt ein­býl­is­hús við Njörva­sund 13 í Reykja­vík er komið á sölu. Um er að ræða sér­hann­aða eign á tveimur hæðum með bíl­skúr, stað­setta á rólegum og eft­ir­sóttum stað í Voga- og Sunda­hverfi. Ásett verð eign­ar­innar er 185 millj­ónir króna.

Telst eignin að mati sumra vera ein sú flottasta í Laug­ar­dalnum

Húsið var byggt árið 1957 og er teiknað af arki­tekt­inum Guð­mundur Kr. Krist­ins­son. Eignin hefur vakið athygli fyrir ein­staka hönnun og hafa núver­andi eig­endur lagt áherslu á að varð­veita upp­runa­legan karakter húss­ins við end­ur­bætur, meðal ann­ars hvað varðar efn­is­val og lita­pal­lettu.

Húsið er á tveimur hæðum og nýtur auk­innar loft­hæðar að hluta, sem skapar rúm­gott og bjart yfir­bragð. Lóðin er afar snyrti­leg með góðri aðkomu, hellu­lögðu bílaplani, við­ar­ver­önd, tyrfðum flötum og fal­legum trjá­gróðri. Þá fylgir eign­inni einnig gróð­ur­hús sem setur sér­stakan svip á garð­inn.

Stað­setn­ingin telst meðal helstu kosta eign­ar­innar. Húsið stendur í botn­langa á rólegum stað þar sem stutt er í skóla, leik­skóla, versl­anir og aðra þjón­ustu. Umhverfið er fjöl­skyldu­vænt og eft­ir­sótt meðal kaup­enda sem sækj­ast eftir rólegu hverfi í nálægð við mið­svæði borg­ar­innar.