Mygla fannst í húsnæði Kristnesspítala

Mygla fannst fyrr á árinu í hús­næði Krist­nesspít­ala í Eyja­fjarð­ar­sveit. Ákveðið hefur verið að færa alla starf­semi Sjúkra­húss­ins á Akureyri (SAk) af staðnum og til Akur­eyrar um óákveð­inn tíma, eins og akur­eyri.net greindi frá á dög­unum. SAk hefur verið þar með end­ur­hæf­ing­ar­þjón­ustu en eftir ítar­lega skoðun og grein­ingu á hús­næð­inu fékkst sú nið­ur­staða að það væri óhæft fyrir heil­brigð­is­þjón­ustu.

Starfs­hópur sem heil­brigð­is­ráðu­neytið skip­aði til að vinna að fram­tíð­ar­sýn Krist­nesspít­ala skoð­aði aðstæður á staðnum og er óráðið hver næstu skref verða miðað við svar ráðu­neyt­is­ins við fyr­ir­spurn akur­eyri.net: „Engar fram­kvæmdir standa yfir á Krist­nesspít­ala um þessar mundir. Veru­legra úrbóta er þörf til að koma hús­næð­inu í full­nægj­andi og heil­næmt ástand og er ekki talið tíma­bært að ráð­ast í slíkar fram­kvæmdir fyrr en nið­ur­stöður liggja fyrir um fram­tíð­ar­nýt­ingu hús­næð­is­ins og fram­tíð­ar­skipan starf­sem­innar.“

Unnið er að því að koma dag- og göngu­deild­ar­hluta þjón­ust­unnar í Krist­nesi fyrir í nýju 815 fer­metra leigu­hús­næði á Akureyri. Starf­semin þar muni hefj­ast í sept­em­ber en það á að vera hægt að veita allt að tutt­ugu skjól­stæð­ingum þjón­ustu á dag- og göngu­deild. Auk þess verði sex leg­u­rými fyrir end­ur­hæf­ing­ar­sjúk­linga tekin í notkun á skurð­lækn­inga­deild SAk í byrjun ágúst.

Krist­nesspít­ali, eða Heilsu­hæli Norð­ur­lands að Krist­nesi eins og hann var fyrst kall­aður, var tek­inn í notkun 1927. Hann reynd­ist mik­il­væg brjóst­vörn í bar­átt­unni við hinn hvíta dauða, berkla­veik­ina.

Í mars 1985 sam­þykkti stjórn­ar­nefnd Rík­is­spít­al­anna nýja stefnu­mörkun og að á neðri hæð spít­al­ans yrði rekin end­ur­hæf­ing­ar­deild fyrir lyf­læknis-, bækl­unar- og gigt­ar­sjúk­linga. Þá var lögð áhersla á hvíld­ar­inn­lagnir í stað hjúkr­un­ar­sjúk­linga til dags­ins í dag.

Á Krist­nesspít­ala hefur verið starf­rækt sjö daga deild og fimm daga ein­ing á þriðju og fjórðu hæð auk dag­spít­ala­þjón­ustu innan öldr­unar- og end­ur­hæf­inga­lækn­inga. Þjón­ustan er þver­fag­leg og lögð er áhersla á að meta heilsu­far og færni sjúk­linga, sjálf­bjarg­ar­getu og þörf fyrir hjálp­ar­tæki. Farið er í heim­ils­at­hug­anir og hugað að þörf fyrir þjón­ustu eftir útskrift. Áhersla er á heil­brigð­is­hvatn­ingu, mark­miðs­setn­ingu, með­ferð, fræðslu og leið­sögn til sjúk­linga og aðstand­enda. Haldnir eru fjöl­skyldufundir og mark­visst unnið með þjón­ustu­að­ilum utan SAk. Kjarni starfs­ins er þver­fag­leg teym­is­vinna sem byggir á sam­vinnu sjúk­lings, fjöl­skyldu og með­ferð­ar­að­ila. Á Krist­nesspít­ala fer fram ein­stak­ling­smiðuð þjálfun í tækja­sal, starf­ræktir eru göngu- og vatns­leik­fimi­hópar, hjóla­hópar auk létt­leik­fimi og háls- og herða­leik­fimi. Boðið er upp á hóp­með­ferð fyrir fólk með lang­vinna verki, ofþyngd, lungna­sjúk­dóma og í kjöl­far krabba­meins­með­ferða þar sem áhersla er á heild­stæða nálgun og fræðslu. Þver­fag­legt öku­mat­steymi er starf­rækt á Krist­nesspít­ala auk göngu­deildar end­ur­hæf­inga­lækn­inga.

Hælið - setur um sögu berklanna

Mynd: Menn­ing­ar­fé­lag Akur­eyrar

María Páls­dóttir, sem kom á fót og rekur Hælið – setur um sögu berklanna á Krist­nesi, setti af stað und­ir­skrift­ar­söfnun í maí þar sem stjórn­völd eru hvött til að bjarga end­ur­hæf­ing­unni á Krist­nesi, eins og það er orðað. Hægt verður að skrifa undir list­ann á vefnum út þennan mánuð.

Und­ir­skrifta­list­inn nefn­ist Björgum end­ur­hæf­ing­unni á Krist­nesi og er text­inn svohljóð­andi:

„Við skorum á stjórn­völd að bregð­ast við án tafar og tryggja fjár­magn til nauð­syn­legs við­halds og upp­bygg­ingar á Krist­nesi svo ekki þurfi að draga úr eða leggja niður starf­sem­ina þar sem hún er sam­fé­lag­inu nauð­syn­leg.“