Bestu og verstu rökin gegn Evrópusambandsaðild Íslands

Magnús Skjöld pró­fessor við Háskól­ann á Bifröst var í við­tal við sænska blaðið Dagens Nyheder og var þar spurður að áhuga­verðri spurn­ingu? Hver séu bestu og verstu rökin þeirra sem eru á móti Evr­ópu­sam­bands­að­ild Íslands?

„Mér finnst bestu rökin þeirra vera þau sem snúa að evr­unni. Það eru auð­vitað fólk á Íslandi sem græðir á því að hafa íslensku krón­una. Senni­lega ekki þú og ég við myndum senni­lega græða á því að fá evr­una. En ég geri ekki ráð fyrir því sú elíta sem græðir á krón­unni sé að horfa á mynd­böndin mín.“

Þá telur hann verstu rökin vera að Ísland glati sjálf­stæði sínu og full­veldi.

„Verstu rökin finnst mér hins vegar vera þau að við myndum glata sjálf­stæð­inu og full­veld­inu. Ég held einmitt þvert á móti með því að ganga í Evr­ópu­sam­bandið erum við að efla full­veldi okkar. Með því að taka sæti meðal full­valda evr­ópskra ríkja við borðið þar sem ákvarð­irnar eru teknar um mál­efni sem snerta okkur beint.“