Dynomatic og Bjössi Basti sameina krafta sína í nýju lagi

Tón­list­ar­verk­efnið Dynomatic hefur sent frá sér nýju smá­skíf­una Mission Control, ásamt tón­list­ar­mynd­bandi. Lagið markar fyrsta sam­starf Dynomatic og Sil­verpink, en þar sam­eina krafta sína æsku­vin­irnir Magnús Jónsson og Björn Helgi Bald­vins­son, betur þekktur sem Bjössi Basti.

Þótt þeir hafi þekkst frá ung­lings­árum er þetta í fyrsta sinn sem þeir vinna saman að tón­list. Samkvæmt til­kynn­ingu byggir sam­starfið á ára­tuga vin­áttu og fjöl­breyttri reynslu þeirra úr íslensku og alþjóð­legu tón­list­ar­lífi.

Dynomatic vakti fyrst athygli árið 2021 með lag­inu Miracle, sem Daníel Ágúst söng, og fylgdi því eftir ári síðar með smá­skíf­unni Superficial. Með Mission Control heldur verk­efnið áfram að þróa sinn hljóð­heim þar sem nútíma­legt synth-pop mætir áhrifum frá klass­ísku new wave og rokki.

Magnús Jónsson hefur komið víða við á ferli sínum og starfað meðal ann­ars með hljóm­sveit­unum Silf­ur­tónum, Dá, Mickey Dean and the Wonderfulz, Blake, BB & Blake og GusGus.

Bjössi Basti er hins vegar þekkt­astur sem söngv­ari pönk­hljóm­sveit­ar­innar Bleiku Bastanna og stofn­andi útvarps­stöðv­ar­innar X-977. Hann flutti til Los Angeles árið 1994 þar sem hann starf­aði bæði við tón­list og kvik­mynda­gerð og var meðal ann­ars í hljóm­sveit­unum Lux, Skin, Cybjorn og Bjorn Means Bear.

Samkvæmt til­kynn­ingu sam­einar Mission Control melódíska nálgun, kraft­mikla takta og áhrif úr raf­poppi, rokki og kvik­mynda­tón­list, um leið og lagið sækir inn­blástur til synth-tón­listar níunda ára­tug­ar­ins.

Smá­skífan er nú aðgengi­leg á öllum helstu streym­isveitum og tón­list­ar­mynd­bandið hefur jafn­framt verið gefið út.