Þriggja herbergja endaíbúð við Liljugötu 5 í Mosfellsbæ hefur verið sett á sölu. Ásett verð eignarinnar er 67,5 milljónir króna.
Íbúðin er á fyrstu hæð í tveggja hæða fjölbýlishúsi sem var byggt árið 2021. Hún er samtals 69,8 fermetrar að stærð, þar af er íbúðarrýmið 67,5 fermetrar og sérgeymsla á annarri hæð 2,3 fermetrar.
Eignin skiptist í forstofu, stofu, eldhús, tvö svefnherbergi og baðherbergi. Úr íbúðinni er gengið út á hellulagða verönd sem snýr til suðurs og er með skjólgirðingu.
Liljugata 5 er fjölbýlishús með átta íbúðum, fjórum á hvorri hæð. Húsið er staðsteypt, einangrað að utan og klætt bárujárni. Á jarðhæð er sameiginleg vagna- og hjólageymsla og stigagangur hússins er teppalagður.
Lóðin er fullfrágengin og þar eru tíu bílastæði. Gert er ráð fyrir einu bílastæði fyrir hverja íbúð fyrir framan húsið og hleðslustöð fyrir rafmagnsbíla er á sameiginlegu bílastæði íbúa. Gönguleið að húsinu er hellulögð og með snjóbræðslu.
Húsið var hannað og teiknað af Teiknistofu Ingimundar Sveinssonar. Stutt er frá eigninni í Helgafellsskóla og næstu strætóstoppistöð auk þess sem gönguleiðir og útivistarsvæði eru í nágrenninu.
Athugasemdir