Eitt dýrasta einbýli landsbyggðarinnar til sölu

Glæsi­legt rúm­lega 400 fer­metra ein­býl­is­hús við Kletta­gljúfur 23 í Ölfusi hefur verið sett á sölu. Ásett verð er 224,7 millj­ónir króna en húsið var reist árið 2007 og er eitt af dýr­ustu ein­býlum lands­ins.

Eignin er alls 402,6 fer­metrar og skipt­ist í 301,2 fer­metra aðal­í­búð á efri hæð og 101,4 fer­metra sjálf­stæða auka­í­búð á jarð­hæð. Inn­byggður tvö­faldur bíl­skúr til­heyrir aðal­í­búð­inni en geymsla er hluti af neðri hæð­inni.

Inn­an­húss­hönnun húss­ins er eftir Rut Kára­dóttur inn­an­húss­arki­tekt. Þar er meðal ann­ars lögð áhersla á mikla loft­hæð, rúm­góð og björt alrými, vand­aðar inn­rétt­ingar og efn­is­val.

Meðal þess sem vekur athygli er rúm­góð hjóna­svíta, arinn og svalir með heitum potti. Frá hús­inu er jafn­framt víð­áttu­mikið útsýni til suð­urs, vest­urs og norð­urs.

Sjálf­stæða íbúðin á jarð­hæð er með sér­inn­gangi og getur því meðal ann­ars nýst til útleigu eða fyrir fjöl­skyldu­með­limi.

Kletta­gljúfur er í Ölfusi og sam­kvæmt fast­eigna­aug­lýs­ing­unni er um 35 mín­útna akstur þaðan að höf­uð­borg­ar­svæð­inu.