Ungabarn lést innilokað í heitum bíl með tveggja ára bróður sínum á meðan móðir þeirra fór í fegrunaraðgerð.
Báðir drengirnir voru sagðir „fstir í barnabílstólum“ inni í bílnum í yfir 38 stiga hita á meðan móðir þeirra dvaldi á snyrtistofu í tæpa tvo og hálfan tíma.
Hryggileg atburðarás átti sér stað í Bakersfield í Kaliforníu þegar hinn eins árs gamli Amillio Gutierrez lést eftir að hafa verið skilinn eftir í heitum bíl ásamt tveggja ára bróður sínum, á meðan móðir þeirra fór í snyrtistofu til að láta stækka varir sínar.
Enn sorglegra er að móðirin, Maya Hernandez (20 ára), hafði samkvæmt lögregluskýrslu sent fyrirspurn til stofunnar áður en hún mætti klukkan tvö og spurt hvort hún mætti koma með börnin með sér inn.
Svar sem hún fékk var: „Auðvitað, ef það er í lagi fyrir þig að þau bíði í biðstofunni, elskan.“
Þrátt fyrir það ákvað Hernandez að skilja drengina tvo eftir í bílnum fyrir utan á meðan hún fór í aðgerðina. Samkvæmt gögnum lögreglu athugaði hún ekki með börnin í tvo og hálfan tíma. Aðgerðin sjálf tók aðeins 15–20 mínútur, en þar sem mikið var að gera í stofunni, dvaldi hún mun lengur inni.
„Þeir voru fastir í bílstólunum sínum. Þeir gátu ekki hreyft sig eða bjargað sér,“ sagði Katie Martinez, amma drengjanna, við WABC. „Hún læsti þá inni og lokaði hurðunum.“
Þegar Hernandez sneri aftur að bílnum um klukkan 16:30 sá hún að Amillio var að fá krampa, froðufellur úr munni og skjálfandi, samkvæmt lögregluskýrslu.
Starfsfólk snyrtistofunnar reyndi að koma til hjálpar og drógu drengina inn. Einn viðskiptavinur bar tveggja ára drenginn inn á klósett og hellti vatni yfir hann.
Lögregla kom á vettvang klukkan 16:45 og Gutierrez var fluttur á sjúkrahús. Þar mældist líkamshiti hans 41,7 gráður. Eftir 40 mínútna lífgunartilraunir var hann úrskurðaður látinn klukkan 17:48.
Eldri bróðir hans, sem mældist með 37,2 gráður, lifði af og var færður í umsjá barnaverndar. Læknar sögðu að tveggja ára börn gætu betur stýrt líkamshita sínum þar sem þau geta svitnað, en ungabörn ekki.
Hitastigið utandyra hafði farið í 38 gráður, og samkvæmt lögregluskýrslu gat hitinn inni í bílnum hafa hækkað upp í 61 gráðu á innan við klukkustund.
Þegar lögregla ræddi við Hernandez sagðist hún hafa skilið bílinn eftir í gangi með loftkælingu stillta á 16 gráður. Hún hélt að það væri í lagi.
Eftir að hún frétti af dauða sonar síns sagði hún samkvæmt lögregluskýrslu: „Ég vissi að það væri ábyrgðarlaust að skilja þá eftir í bílnum og ég hugsaði um það þegar ég fór út úr bílnum, en ég hef enga afsökun.“
Starfsmaður stofunnar sem dró eldri drenginn út sagði að ekkert benti til að loftkælingin væri í gangi, og bíllinn hafi verið mjög heitur.
Sérfræðingur sem lögregla ræddi við sagði að loftkæling í Toyota Corolla Hybrid frá 2022 geti slökkt sjálfkrafa á sér eftir eina klukkustund.
Amma drengjanna sagði í viðtali við WABC að hún hafi sjálf setið í bíl með gluggana lokaða og vélina í gangi til að reyna að skilja hvað drengirnir upplifðu.
„Ef fólk tekur sér bara 20 mínútur og sest inn í lokaðan bíl, þá finnur það hvernig þetta er,“ sagði hún. „Það er eina leiðin til að skilja hvað börn upplifa.“
Hún bætti við að þetta væri ekki í samræmi við hvernig Maya Hernandez væri venjulega: „Hún var mjög ástúðleg móðir. Strákarnir elskuðu hana og treystu henni.“
Samkvæmt GoFundMe-síðu sem frænka Amillios stofnaði, Savanah Gutierrez, er faðir hans í fangelsi. Hann frétti af dauða sonar síns frá fangapresti daginn eftir.
Fjölskyldan safnar nú fyrir jarðarför og segir: „Við viljum koma litla drengnum okkar heim og veita honum verðugan kveðjustund.“
Maya Hernandez var handtekin og ákærð fyrir barnaníð og manndráp af gáleysi. Hún er í haldi í fangelsi í Kern sýslu með tryggingu upp á rúmlega eina milljón dollara. Næsti dómþingfundur er 11. júlí.
