Húsnæðis- og mannvirkjastofnun hefur birt tilkynningu um innköllun á fjórum undirtegundum tengiltvinnbíla frá Land Rover vegna hættu á ofhitnun í háspennurafhlöðu sem getur leitt til elds í ökutæki.

Innköllunin nær til eftirfarandi bifreiða:

• Land Rover Defender, árgerðir 2021–2025
• Range Rover Velar, árgerðir 2021–2026
• Range Rover Evoque, árgerðir 2020–2026
• Land Rover Discovery Sport, árgerðir 2020–2025

Samkvæmt HMS er hætta á að háspennurafhlaða ofhitni. Orsök vandans er enn óljós, en umboðsaðilinn BL mun skipta um háspennurafhlöður í þeim ökutækjum sem reynast falla undir innköllunina.

Eigendur bifreiða af umræddum gerðum eru hvattir til að hafa samband við BL til að kanna hvort ökutæki þeirra sé meðal þeirra sem þurfa á úrbótum að halda.