Breski áhrifavaldurinn Klaudia Glam, sem hét réttu nafni Klaudia Zakrzewska, er látin eftir að hafa orðið fyrir bíl í Lundúnum. Hún var 32 ára gömul.
Samkvæmt upplýsingum frá lögreglunni í Lundúnum varð slysið snemma sunnudagsins 19. apríl í Soho-hverfinu, skammt frá skemmtistað. Hún var flutt á sjúkrahús þar sem hún lést síðar af sárum sínum.
Annar maður, 58 ára, slasaðist einnig alvarlega.
Lögregla handtók Gabrielle Carrington, 29 ára konu frá Manchester, daginn eftir atvikið. Hún hefur verið ákærð fyrir tilraun til manndráps, alvarlega líkamsárás, hættulegan akstur og ölvunarakstur. Gert er ráð fyrir að ákæran verði uppfærð í morð í kjölfar andláts Glam.
Carrington var áður meðlimur í tónlistarhópnum Miss Dynamix sem kom fram í hæfileikaþættinum The X Factor árið 2013. Hún hefur enn ekki tekið afstöðu til sakargifta.
Rannsókn málsins stendur yfir. Lögregla hefur lýst yfir samúð með aðstandendum Glam og þeim sem urðu fyrir áhrifum af atvikinu.
