Nicholas Brendon, sem var þekktur fyrir hlutverk sitt í þáttunum Buffy the Vampire Slayer, lést af völdum hjarta- og æðasjúkdóms, að því er TMZ greinir frá. Dauði hans hefur verið úrskurðaður af náttúrulegum orsökum.
Leikarinn fannst látinn í sófa á heimili í Putnam-sýslu í Indiana 20. mars, samkvæmt skýrslu frá réttarlækni. Dánarorsök var æðakölkun og háþrýstingstengdur hjarta- og æðasjúkdómur, sem stafar af fitusöfnun í slagæðum. Hann var með um 90% þrengingu í hægri kransæð.
Fjölskylda hans sagði að þrátt fyrir fyrri erfiðleika hefði hann verið í lyfjameðferð og undir eftirliti vegna sjúkdómsins og verið bjartsýnn á framtíðina þegar hann lést.
Einnig kom fram að hann hafði áður glímt við hjartavandamál; hann fékk hjartaáfall árið 2023 og greindist síðar með meðfæddan hjartagalla.
Hann var 54 ára þegar hann lést. Bráð lungnabólga og fyrra hjartaáfall voru einnig talin hafa átt þátt í dauða hans. Vinkona hans hafði dvalið hjá honum til að aðstoða hann vegna versnandi heilsu.
Vinkonan sagði að hún hefði síðast séð hann um klukkan 5 að morgni daginn sem hann lést og heyrt hann hósta. Um klukkan átta fann hún hann meðvitundarlausan og hringdi strax í lögreglu. Hún sagði einnig að hann hefði kvartað yfir verkjum í brjósti en neitað að fara á sjúkrahús og tekið lausasölulyf í staðinn.
Brendon var lengi reykingamaður og hafði einnig nýlega gengist undir bakaðgerð, sem gerði hann hikandi við að leita sér frekari læknisaðstoðar.
Samkvæmt skýrslunni sýna eftirlitsmyndavélar að hann hafi verið mikið að hósta og haft hásan rödd áður en hann lést.
Brendon lék eitt aðalhlutverka í Buffy the Vampire Slayer ásamt Söruh Michelle Gellar, þar sem hann fór með hlutverk Xander Harris í öllum sjö þáttaröðunum.
Eftir andlát hans sagði fjölskylda hans að hann hefði nýlega fundið ástríðu fyrir myndlist og málun.
