Í dagbók lögreglu er greint frá því að þrjú börn hafi verið handtekin í Hafnarfirði fyrir líkamsárás og skemmdarverk. Lögreglan og barnavernd sinntu því máli.

Fjórir menn voru handteknir í Laugardalnum fyrir ólöglegan vopnaburð og var þeim sleppt eftir skýrslutöku. Einn var handtekinn fyrir brot á lögreglusamþykkt að fara ekki að fyrirmælum lögreglu, ólöglegan vopnaburð og vörslu fíkniefna. Viðkomandi var vistaður í fangageymslu.

Nokkrir ökumenn voru teknir fyrir að keyra of hratt eða aka undir áhrifum fíkniefna eða áfengis.

Þá var einn maður handtekinn í Kópavogi fyrir líkamsárás og var hann vistaður í fangageymslu.