Joshua Pack, 51 árs milljónamæringur og eigandi fjárfestingafyrirtækis sem stendur meðal annars að baki verslunarkeðjunum Majestic Wine og Poundstretcher, svipti sig lífi eftir harkalegt rifrildi við eiginkonu sína, samkvæmt því sem fram kom við rannsókn dauðsfalls hans.
Pack fannst látinn af ræstingarfólki í læstu svefnherbergi á efstu hæð í leiguhöll hjónanna í St John's Wood í Lundúnum aðeins nokkrum klukkustundum eftir rifrildið við eiginkonu sína, Jacqueline Pack.
Hjónin voru nýflutt til Bretlands frá Bandaríkjunum vegna stækkunar fjárfestingarisans Fortress Investment Group sem er metinn á um 50 milljarða dala.
Í skriflegri yfirlýsingu til rannsakenda á dánarorsökunum greindi Pack frá því að hún og eiginmaður hennar til 28 ára hefðu „rifist alla nóttina“ fyrir andlát hans eftir að hafa „verið að drekka með hléum allan daginn“.
„Við höfðum verið ástfangin síðan í menntaskóla. Josh var trúrækinn kaþóliki sem vann gríðarlega mikið til að styðja mig og börnin okkar, sem voru það mikilvægasta í lífi hans. En það var togstreita eins og í öllum löngum hjónaböndum,“ sagði hún.
Að sögn eiginkonunnar hófst rifrildið þegar þau gengu heim eftir að Joshua komst að því í gegnum aðstoðarmann sinn að vandamál hefðu komið upp með flugmiða hans til Bandaríkjanna. Hann hafði reynt að flýta ferð sinni svo hann gæti ferðast með eiginkonu sinni.
Rifrildið magnaðist þegar heim var komið og sagði Jacqueline að Joshua hefði kastað síma hennar þvert yfir herbergið og síðan byrjað að berja sjálfan sig með honum.
Síðar hafi hann farið að skáp, tekið upp hníf og rétt henni hann með orðunum: „Stingdu honum í mig.“
Samkvæmt framburði hennar hótuðu þau bæði að svipta sig lífi í rifrildinu, en hún sagði slíkt hafa gerst áður í deilum þeirra.
„Ég meinti það aldrei og ég trúði því heldur aldrei að Josh meinti það,“ sagði hún.
Joshua Pack fannst látinn af starfsfólki heimilisins um klukkan þrjú daginn eftir.
Við rannsókn dauðsfallsins komst dánardómari við dánardómstólinn Inner West London að þeirri niðurstöðu að um slysadauða hefði verið að ræða.
Í þessari grein er fjallað um sjálfsvíg
Fólki með sjálfsvígshugsanir er bent á upplýsingasíma heilsugæslunnar s.1700, netspjallið heilsuvera.is, Hjálparsíma Rauða krossins s.1717, á netspjallið 1717.is og á Píeta símann s.552-2218. Þau sem misst hafa ástvin í sjálfsvígi er bent á stuðning í Sorgarmiðstöð s. 551-4141, upplýsingasíma heilsugæslunnar s.1700, netspjallið heilsuvera.is og á Píeta símann s.552-2218.
