Óvenjuleg staða er komin upp fyrir öldungadeildarkosningarnar í Alaska í nóvember þar sem tveir menn að nafni Dan Sullivan sækjast eftir atkvæðum repúblikana.

Dan S. Sullivan, sitjandi öldungadeildarþingmaður, nýtur stuðnings Donald Trump Bandaríkjaforseta. Á sama tíma sækist Dan J. Sullivan, fyrrverandi skólakennari sem kominn er á eftirlaun, eftir kjöri.

Repúblikanaflokkurinn hefur reynt að fá Dan J. Sullivan til að draga framboð sitt til baka. Óttast flokkurinn að framboð hans geti klofið atkvæði repúblikana og þannig aukið möguleika demókratans Mary Peltola á sigri.

Hæstiréttur Alaska komst hins vegar að þeirri niðurstöðu í síðasta mánuði að Dan J. Sullivan hefði rétt til að vera í framboði.

Málið hefur nú tekið enn óvenjulegri stefnu eftir að þriðji maðurinn með sama nafn, Dan A. Sullivan, blandaði sér í kosningabaráttuna. Hann er fyrrverandi borgarstjóri Anchorage og repúblikani.

Dan A. Sullivan, sem segist vera „hinn upprunalegi Dan Sullivan“, hefur hvatt íbúa Alaska til að greiða Dan S. Sullivan atkvæði í kosningunum.