Gyða Omm Amir, íslensk kona, bendir á í opinberri færslu inni í hópnum: Afhjúpum kvenfyrirlitningu, rasisma og almennt hatur á samfélagsmiðlum einstaklega gróf ummæli gegn vini sínum sem heitir Salem. Salem er frá Palestínu og býr hér á landi. Í færslu sem hún skrifar segir hún:

„Langar aðeins að sýna ykkur

Málið er að vinur minn sem hvorki talar íslensku né ensku er með tictoc og á hverju einasta vídeó eru mættir misgáfulegir gaurar þar til að commenta á videoin hjá honum.

Þar með talið einn sem segist vera með heimilisfangið hans þar.

Ég hafði ekki einu sinni lyst á að fara yfir þetta allt.“

Hún segir að hann eigi börn sem skilja allt og finnst henni það sárast.

„Hann er voðalega yndislegur maður og fattar ekki alveg hvað er verið að segja við hann þarna. En hann á börn sem skilja þetta og það er það sem mér persónulega finnst sárast þarna.“

Hér eru nokkrar þeirra athugasemda sem hafa verið látnar falla.

Einn sem kallar sig Geimgengill hefur sig mikið í frammi:

„Heppinn að ég var ekki að keyra framhjá þér, hefði tekið þig út.

Ógeðslega rotta.

Veit hvar þú sefur.

Djöfull ertu ógeðslegur.“

Annar sem er skráður sem Villi Bjarna er ekkert skárri.

„Farðu í sólina og vertu þar, afætur á Íslandi

Ertu búinn að fá bæturnar þínar, vesalingurinn þinn?

Þú verður bráðum sendur heim“

Athugasemdirnar eru svo margar og erfitt að hafa eftir en Aron Bjarni skrifar:

„Farðu heim“ og einhver sem kallar sig Róni segir það sama

„Drullist heim“

Þá er einn sem er skráður undir nafninu Prod sem segir

„Þessi dagur er ekki fyrir þig og þína drullaðu þér heim“