Þrír einstaklingar gistu fangaklefa lögreglunnar á höfuðborgarsvæðinu eftir verkefni gærkvöldsins og næturinnar. Alls voru 46 mál skráð í kerfi lögreglu á tímabilinu.

Meðal verkefna var tilkynning um innbrot í fyrirtæki. Þá stöðvaði lögregla bifreið og er ökumaður hennar grunaður um að hafa ekið undir áhrifum fíkniefna.

Lögreglu barst einnig tilkynning um þjófnað úr verslun. Grunaður einstaklingur var yfirheyrður vegna málsins en látinn laus að skýrslutöku lokinni.

Auk þess sinnti lögregla almennu eftirliti á höfuðborgarsvæðinu.

Veður setti jafnframt svip sinn á verkefni lögreglu í gærkvöldi og nótt. Farið var í nokkur útköll vegna veðurs, en nánari upplýsingar um eðli þeirra komu ekki fram í dagbók lögreglu.

Alls voru sem fyrr segir 46 mál bókuð hjá lögreglu á tímabilinu og þrír einstaklingar gistu í fangaklefa.