Reykvíkingur hefur verið dæmdur í 30 daga skilorðsbundið fangelsi fyrir vörslu á barnaníðsefni, samkvæmt dómi sem kveðinn var upp í Héraðsdómi Reykjavíkur.

Samkvæmt ákæru hafði Reykvíkingurinn í vörslum sínum sjö ljósmyndir og þrjú myndbönd sem sýndu börn á kynferðislegan og klámfenginn hátt. Myndefnið fannst við húsleit á heimili hans í Reykjavík 6. maí 2024 og var geymt á tölvubúnaði og snjalltækjum sem lögregla lagði hald á.

Maðurinn játaði skýlaust sök samkvæmt ákæru og féllst jafnframt á að tiltekin tæki yrðu gerð upptæk. Með vísan til játningar hans og rannsóknargagna taldi dómurinn sannað að hann hefði gerst sekur um brotið.

Við ákvörðun refsingar var litið til þess að maðurinn hefur ekki áður sætt refsingu og að hann játaði brotið bæði hjá lögreglu og fyrir dómi. Á móti vó alvarleiki brotsins, enda var þaððar um að ræða vörslu myndefnis sem sýnir börn á kynferðislegan hátt.

Refsing hans var ákveðin 30 daga fangelsi en fullnustu hennar frestað skilorðsbundið til tveggja ára. Haldi hann almennt skilorð á því tímabili fellur refsingin niður.

Jafnframt voru HP-tölvuturn, Samsung-farsími og Samsung-spjaldtölva gerð upptæk. Þá var honum gert að greiða 353.400 krónur í málsvarnarþóknun skipaðs verjanda síns.