Eldfjallafræðingurinn Þorvaldur Þórðarson telur líklegt að gjósa muni á Sundhnúksgígaröðinni á næstu dögum.

Hann telur að þeir fimm hundruð skjálftar sem mælst hafa á Reykjanesskaga síðan í gær tengist kvikusöfnun en stærsti jarðskjálftinn mældist 3,5 að stærð. Sá mældist klukkan hálf 12 í gærkvöldi en eftir þann þá dró úr skjálftahrinunni að einhverju leyti.

„Það getur alveg gosið bara á eftir,“ sagði Þorvaldur við RÚV um málið. Hann telur kvikan sé að safnast saman á fimm kílómetra dýpi. „Ég held að þetta tengist alveg örugglega kvikusöfnun þar.“

Hann segir þó að innflæði kviku sé hægara í þetta skipti en í aðdraganda síðustu gosa. Síðasta gosi á Reykjanesi lauk 9. desember 2024 og eru 113 dagar frá því að það hófst.

„Það er ekk­ert úti­lokað að það verði það síðasta. Það er að hægja það mikið á rennsl­inu og það er ekki víst að það nái aft­ur fyrri mörk­um en við vit­um það ekki fyrr en löngu seinna hvenær síðasta gosið er búið. Við verðum ör­ugg­lega að bíða og bíða eft­ir næsta gosi en svo kem­ur það aldrei,“ sagði Bene­dikt Gunn­ar Ófeigs­son, fag­stjóri af­lög­un­ar­mæl­inga á Veður­stofu Íslands, við Mbl.is um hvort næsta gos gæti orðið það síðasta í þessari goshrinu.