Þrír létust, þar af tvö börn, þegar fólksbíll ók á hóp skólabarna á hjólreiðaferð í Zeeland-héraði í suðurhluta Hollands í dag. Fjögur börn til viðbótar slösuðust alvarlega og voru flutt á sjúkrahús.

Slysið varð nærri þorpinu Vogelwaarde, skammt frá landamærum Belgíu. Samkvæmt yfirvöldum lenti bifreið á hópi 14 barna og tveggja umsjónarmanna sem voru á hjólum í tengslum við skólaferðalag.

Ekki hefur verið greint frá aldri barnanna og rannsókn á tildrögum slyssins stendur yfir.