Ungbarn lést af völdum hitaslags á Fuerteventura

Tuttugu mán­aða gam­alt barn lést eftir að hafa fengið alvar­legt hitaslag á Fuer­teventura á Kanarí­eyjum á laug­ar­dag.

Barnið var flutt á almenna sjúkra­húsið á Fuer­teventura í lífs­hættu­legu ástandi og þaðan með þyrlu á barna- og kvenna­sjúkra­húsið á Kanarí þar sem það fékk sér­hæfða með­ferð. Þrátt fyrir við­leitni lækna tókst ekki að bjarga lífi þess.

Yfirvöld hafa ekki veitt frek­ari upp­lýs­ingar um aðdrag­anda hitaslags­ins.

Atvikið á sér stað á sama tíma og Kanarí­eyjar búa við mikla sum­ar­hita. Heil­brigð­is­yf­ir­völd hafa ítrekað hvatt bæði íbúa og ferða­menn til að sýna sér­staka aðgát í hita­bylgjum.

Sér­stak­lega er bent á að ung börn séu í mik­illi hættu á að fá hita­tengd veik­indi og að þau eigi aldrei að vera skilin eftir í heitu umhverfi, þar á meðal í kyrr­stæðum bif­reiðum, jafn­vel ekki í stuttan tíma.

Yfirvöld á Kanarí­eyjum ráð­leggja jafn­framt að börn drekki nægan vökva, forð­ist að vera lengi í beinu sól­ar­ljósi þegar heit­ast er yfir dag­inn og að leitað sé taf­ar­laust lækn­is­að­stoðar ef ein­kenni hita­ör­mögn­unar eða hitaslaga koma fram.

Hita­bylgjan sem er nú á eyj­unum mun halda áfram í dag og á morgun en spáð er allt að 40 stiga hita.