Það er hægt að finna margar góðar eignir í Laugardalnum en lítið er um krúttlegar litlar íbúðir sem henta vel sem fyrsta eign.
Það á þó ekki við um íbúð sem er til sölu í Gnoðarvogi 38 en um er að ræða gullfallega byrjunaríbúð á frábærum stað. Stutt er í bæði Skeifuna og Laugardalinn, krúnudjásn Reykjavíkur. Ásrún Ísleifsdóttir, gæða-, öryggis- og umhverfisstjóri hjá Sky Lagoon, á þetta glæsilega híbýli en hún stafaði áður hjá Directive Games og Össuri. Samkvæmt heimildum Mannlífs er Ásrún að stækka við sig.
Íbúðin er tveggja herbergja endaíbúð á efstu hæð í fjögurra hæða fjölbýlishúsi. Hún er 63,7 fm að stærð, fallegt útsýni er til austurs, vesturs og norðurs. Þá var eldhúsið tekið í gegn árið 2022 og húsið múrað og málað utan ári seinna.
Hana er hægt að eignast fyrir aðeins 54.900.000 króna.





Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir