Lögmaðurinn Sveinn Andri Sveinsson fer ekki fögrum orðum um Guðrúnu Hafsteinsdóttur fyrrverandi dómsmálaráðherra; hann segir um nýtilkomið framboð hennar til formanns Sjálfstæðisflokksins að hér sé „augljóslega einn af þessum dæmigerðu sjálfstæðismönnum sem finnst gaman að tala um sjálfstæðisstefnuna en framfylgir síðan sérhagsmunastefnu í raunheimum.“

Sveinn Andri bætir því við að „Guðrún talaði mikið um frelsi og frjálsa samkeppni og nefndi til sögunnar ostafyrirtæki föður síns sem hefði verið brotið á bak aftur af þáverandi stjórnvöldum (Sjálfstæðis og Framsókn) og einokunarfyrirtækjum sem störfuðu í skjóli téðra helmingaskiptaflokka. Þessum frelsis- og samkeppniselskandi formannskandidat fannst það nefnilega allt í lagi að afnema með einu pennastriki samkeppni í kjötframleiðslu.“
Segir að lokum:

„Þá var frelsissöngurinn ekki sunginn, enda mikilvægari hagsmunir í húfi; nefnilega hagsmunir fjársterku búvöruframleiðendanna sem vilja sitja við kjötkatlanna án truflunar og eru alltaf duglegir að styrkja Sjálfstæðisflokkinn fjárhagslega.“
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir