Fimm menn á þrítugsaldri verða ákærðir fyrir brot á vopnalögum. Þeir beindu leikfangabyssum út um bílglugga á Akureyri um verslunarmannahelgina. Mennirnir vildu ekki greiða sektina sem lögreglan lagði á þá og neituðu að hafa brotið lög.
RÚV greinir frá þessu.
Þetta gerðist á bæjarhátíðinni Ein með öllu. Lögreglu bárust tilkynningar um menn sem virtust ógna vegfarendum með byssu. Lögreglan brást við með umfangsmikilli aðgerð og fékk aðstoð frá sérsveit ríkislögreglustjóra.
Lögreglan handtók fimm menn. Fljótlega kom í ljós að byssurnar voru plastleikföng. Að sögn lögreglu gátu þær þó litið út eins og alvöru byssur úr fjarlægð.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir