Vegan-kaka í glæsilegu kökublaði Vikunnar

Myndir / Hallur Karlsson

Upp­skriftin sem Sirrý deilir með les­endum er að hennar sögn bæði ynd­is­leg, óvenju­leg og vegan. „Ég keypti köku­bók í London í haust sem er til­einkuð börnum í Sýrlandi og er þáttur í fjár­öflun til styrktar börnum þar. Margir þekktir bak­arar koma að bók­inni og gefa vinnu sína. Þeir fengu fyr­ir­mæli um að velja hrá­efni frá þessu svæði, löndum fyrir botni Mið­jarð­ar­hafs, nota döðlur, möndlur, kar­dimommur, hun­ang, rósa­vatn og fleira. Fyrsta kakan sem ég bak­aði úr bók­inni sló í gegn hjá fjöl­skyld­unni og vina­hópnum. Mig langar að gefa upp­skrift að minni útgáfu af þess­ari ynd­is­legu og óvenju­legu köku. Kakan getur verið vegan ef notað er eggja­líki í stað eggja og vegan-súkkulaði í súkkulaði­bráð­ina og þá er auð­vitað ekki borin jógúrt með.“

Möndlukaka með súkkulaði og kardimommum

200 g möndlur með hýði
100 g kókos­mjöl
100 g ferskar döðlur, stein­hreins­aðar, vigt án steina
3 egg (eggja­líki fyrir vegan)
140 g kókossykur
1 ½ dl olía
¾ dl kókos­mjólk
6-8 kar­dimommu­hylki, nota fræin innan í, möluð í mort­éli eða krydd­kvörn
börkur af 1 líf­rænni sítrónu eða lít­illi app­el­sínu
1 tsk. lyfti­duft
¼ tsk. salt
1 tsk. vanillu­dropar
1 tsk. rósa­vatn (má sleppa)

Hitið ofn­inn í 180°C eða 165°C á blástur. Setjið möndlur og kókos­mjöl í mat­vinnslu­vél og malið fínt, setjið í skál og geymið. Setjið döðlur og egg í mat­vinnslu­vél­ina og vinnið vel saman. Bætið möndlu­blönd­unni út í ásamt öllu öðru sem fer í kök­una og vinnið saman í deig. Setjið bök­un­ar­pappír í botn á 22 cm breiðu formi, má hvort heldur vera kringlótt eða fer­kantað. Berið olíu á innri hliðar á form­inu. Hellið deig­inu í formið og bakið þetta í miðjum ofni í 40-45 mín­útur. Látið kök­una kólna í 10 mín. og færið síðan úr form­inu og setjið á fal­legan disk. Setjið súkkulaði­bráð ofan á kök­una þegar hún er orðin köld. Skreytið með grófum kókos­flögum eða þurrk­uðum rósa­blöðum. Berið fram með „labneh“ með rósa­vatni þ.e. þykkri bragð­bættri jógúrt.

Súkkulaði­bráð
80 g súkkulaði, 70%
4 msk. kókos­mjólk

Bræðið saman við vægan hita í vatns­baði.

Labneh með rósa­vatni
3 dósir líf­ræn jógúrt
2 msk. hlynsíróp (mable syrup), eða annað sem hentar ykkur að sæta með
1 tsk. sítrónu­börkur, eða eftir smekk
½ tsk. rósa­vatn, eða eftir smekk

Síið vatnið úr jógúrt­inni með því að setja jógúrt­ina í trekt með kaffi­filter yfir skál eða könnu og látið standa yfir nótt. Með því fáið þið „labneh“, dásam­lega kremaða jógúrt sem passar að bera fram með eft­ir­rétti t.d. í stað­inn fyrir þeyttan rjóma (nota má mys­una sem verður eftir t.d. í brauð­deig). Blandið sírópi, sítrónu­berki og rósa­vatni í þykku jógúrt­ina. Smakkið síðan til.
Rósavatn fæst í Mela­búð­inni og í Krydd- og tehús­inu. Þurrk­aðar rósir hafa stundum feng­ist í Tiger, ann­ars á Netinu.

Kökublað Vikunnar er glæsi­legt sem aldrei fyrr og þar er að finna fjölda flottra köku­upp­skrifta. For­síðu­mynd blaðs­ins tók Heiðdís Guðbjörg Gunn­ars­dóttir.