„Ég reyndi oft að vara við þessu“

„Auðvitað eru mörg for­dæmi fyrir því að ríkið hafi gert það. Ég hygg að rótin að þess­ari deilu liggi að miklu leyti í höndum stjórn­valda. Bæði lýtur það að því með hvaða hætti bæði skatt­lagn­ing og skerð­ing á fram­lögum til þeirra tekju­lægstu hefur verið fylgt eftir árum saman án þess að það hafi verið hlustað á varn­að­ar­orð,“ segir hann og bætir við að takt­leysi í launa­hækk­unum þeirra launa­hæstu sé aðeins til að flækj­ast fyrir.

Gylfi Arn­björns­son, fyrr­ver­andi for­seti ASÍ.

„Ofan á allt annað kemur svo þessi óánægja með kjara­ráð og launa­hækk­anir stjórn­enda hjá opin­berum fyr­ir­tækjum og reyndar ýmsum einka­reknum fyr­ir­tækjum einnig. Allt hefur þetta gert það að verkum að það kraumar mjög mikil reiði í þjóð­fé­lag­inu,“ útskýrir Gylfi.
„Ég reyndi oft að vara við þessu að þetta væri ekki skyn­sam­legt ef menn vildu leggja upp með stöðu­leika og sátt, þá verður auð­vitað að vera eitt­hvert sam­hengi í þessu. Það er því miður ekki það sem almenn­ingur hefur mátt upp­lifa.“

Gylfi hefur oft staðið í sömu sporum og deilu­að­ilar standa í nú. Hann þekkir vel til and­rúms­lofts­ins en segir að það sé ætíð far­sæl­ast að finna sam­eig­in­legan grund­völl. „Auðvitað er alveg ljóst að þessi bar­átta er háð því að það tak­ist að mynda sam­stöðu­leiðir, það er alveg ljóst,“ segir hann.