Atkvæðagreiðsla um nýjan kjarasamning Blaðamannafélags Íslands og Samtaka atvinnulífsins fór fram í dag milli klukkan 9 og 17. Fyrst á vinnustöðum Fréttablaðsins, Sýn, RÚV og Morgunblaðið og síðan í húsnæði Bí í Síðumúla.
Atkvæðagreiðsla fór svo að blaðamenn kolfelldu samninginn.
Á kjörskrá voru 380 félagar og greiddu 147 þeirra atkvæði, eða 38,7%. Þáttaka þurfti að vera 20% samkvæmt lögum um stéttarfélög og vinnudeilur til að niðurstaðan væri bindandi.
Atkvæði féllu þannig:
Já sögðu 36 eða 24,5%
Nei sögðu 105 eða 71,4%
Auðir seðlar voru 6 eða 4,1 %
Hjálmar Jónsson formaður BÍ segir að blaðamenn í félaginu fari í verkfall á föstudag og svo aftur á fimmtudag í næstu viku, að öllu óbreyttu.
„Sáttasemjari gaf það út að hann myndi kalla saman fund ef samningurinn yrði felldur,“ segir Hjálmar sem kveðst reikna með að fundurinn verði annað hvort á morgun eða fimmtudag.
Athugasemdir