Reykjavík hlýtur gullverðlaun sem Destination 2020

Kemur þetta fram á vef Reykja­vík­ur­borgar.

Gull­verð­launin voru veitt í flokknum “prem­ium” fyrir helg­ar­ferð sem merkir að flestir prem­ium ferða­menn segj­ast vilja ferð­ast til Íslands í helg­ar­ferð, eða alls 18.1%. Í öðru sæti var Róm og París í þriðja sæti.

Samkvæmt skil­grein­ingu alþjóð­lega mark­aðs­rann­sókna­fyr­ir­tæk­is­ins YouGov sem gerði könn­un­ina eru Premium ferða­menn þeir sem vilja fyrst og fremst ein­staka upp­lifun og eru til­búnir að verja meiri fjár­munum meira til þess að ná því mark­miði. Einnig voru veitt verð­laun í flokknum Bud­getres­enär, þ.e. ferða­menn sem vilja ferð­ast á ódýran máta og flokknum Trygghet, ferða­menn sem kjósa öryggi s.s. pakka­ferðir. Und­ir­flokkar voru helg­ar­ferð, viku­ferð og lang­ferð.

Könnunin var lögð fyrir í sept­em­ber og voru rúm­lega tvö þús­und Svíar í úrtak­inu. Könnunin var gerð á vegum Travel News sem er stærsta fag­tíma­rit Sví­þjóðar á sviði ferða­þjón­ustu. Til­gangur könn­un­ar­innar var að kom­ast að því hvaða áfanga­staðir eru vin­sæl­astir í dag meðal sænskra ferða­manna.

Sendiráð Íslands í Svíþjóð tók þátt í sýn­ing­unni og kynnti land og þjóð fyrir áhuga­sömum aðilum úr ferða­þjón­ust­unni.

Sjá frétt Travel News um verð­launin