Elsa ráðin framkvæmdastjóri Pírata

Starf­andi fram­kvæmda­stjóri fram að þeim tíma er núver­andi upp­lýs­inga­stjóri Pírata, Róbert Ingi Douglas. Erla Hlyns­dóttir starf­aði áður sem fram­kvæmda­stjóri, en sagði starfi sínu lausu í lok júlí eftir að hafa gegnt starf­inu í rúm tvö ár.

Elsa hefur starfað í gras­rót Pírata og verið virkur þáttak­andi í starfi flokks­ins síð­ustu árin. Hún hefur gegnt hinum ýmsu trún­að­ar­stöðum, sem for­maður fjöl­miðl­un­ar­hóps, rit­ari kjör­dæma­fé­lags, skoð­un­ar­maður reikn­inga, gjald­keri fram­kvæmda­ráðs og setið í úrskurð­ar­nefnd.

Elsa er með BSc-gráðu í við­skipta­fræði frá Háskóla Íslands en hún hefur enn­fremur lokið námi frá Við­skipta­fræði­stofnun Háskóla Íslands- rann­sókna­mið­stöð um stjórn­ar­hætti þar sem hún hlaut tit­il­inn við­ur­kenndur stjórn­ar­maður. Elsa stundar nú fjar­nám í opin­berri stjórn­sýslu frá Háskóla Íslands.

Elsa hefur starfað sem rekstrar og fjár­mála­stýra UN Women á Íslandi síð­ustu miss­eri þar sem hún hefur borið ábyrgð á bók­haldi félags­ins, utan­um­haldi um rekstur, skýrslu­gerð til stjórnar, deilda og höf­uð­stöðva félags­ins í New York og séð um skjölun, rekstrar og fjár­hags­á­ætl­ana­gerð. Elsa hefur einnig unnið sem bók­ari og í fjár­málum hjá Jarð­bor­anir hf. og Guide to Iceland ehf.