Hátíðleg marsípanbaka með jarðarberjum

Marsípanbaka með jarðarberjum
fyrir 10

Botn:

2 ½ dl hveiti
½ dl sykur
100 g kalt smjör, í bitum
safi úr ½ sítrónu
1-2 msk. kalt vatn (ef þarf)
3-4 msk. jarð­ar­berja­sulta

Blandið saman hveiti og sykri, myljið smjörið saman við með fingr­unum eða notið hníf til að skera það inn í hveitið, blandan á að líkj­ast grófri brauð­mylsnu.

Setjið sítrónusafa saman við og hrærið, deigið á rétt að hanga saman. Bætið köldu vatni við, ef þarf. Hnoðið deigið létt saman og setjið í smellu­form sem er u.þ.b. 24 cm í þver­mál.

Notið fing­urna til að þrýsta deig­inu í botn­inn og upp með hlið­unum. Setjið hveiti á hend­urnar ef deigið klístr­ast mikið við ykkur.

Dreifið jarð­ar­berja­sultu yfir botn­inn og setjið formið í kæli á meðan fyll­ingin er útbúin.

Fylling:

170 g mjúkt smjör
1 dl sykur
börkur af 1 sítrónu
1 tsk. möndlu­dropar
3 egg
300 g mar­sípan, rifið gróft
100 g möndlu­flögur eða hakk­aðar möndlur

Hitið ofn í 175°C. Hrærið saman smjör og sykur, bætið sítrónu­berki og möndlu­dropum saman við og hrærið þar til blandan er létt og ljós.

Bætið eggjum saman við, einu í einu, og hrærið vel á milli. Setjið þá mar­sípan og möndlur saman við og hrærið þar til allt er vel blandað.

Dreifið fyll­ing­unni í botn­inn og bakið í u.þ.b. 45 mín. Látið kök­una kólna í form­inu áður en jarð­ar­berja­hlaupið er sett ofan á.

Jarð­ar­berja­hlaup:

3 mat­ar­líms­blöð
3 dl jarð­ar­berja­sulta
200 g fersk jarð­ar­ber til skrauts
flór­sykur til að sigta yfir

Leggið mat­ar­líms­blöðin í bleyti í kalt vatn. Hitið sult­una var­lega í potti og bætið mat­ar­lím­inu saman við. Látið blönd­una kólna þar til hún er aðeins farin að þykkna.

Hellið yfir kök­una og látið stífna alveg. Skreytið með ferskum jarð­ar­berjum.

Umsjón og stílisti / Kristín Dröfn Ein­ars­dóttir
Mynd / Heiðdís Guðbjörg Gunn­ars­dóttir