Rútínan og kærastan eru jarðtengingin

Hvernig er að upp­lifa það að vera orð­inn svona þekktur? Bæði úti og hér heima, hver er mun­ur­inn?
„Ég finn ekki svo mikið fyrir því, satt að segja,“ segir Jökull hóg­vær. „Það er auð­vitað alltaf gaman ef fólk hefur ánægju af því sem að þú ert að gera og maður finnur ef til vill meira fyrir því að fólk þekki mann þá daga sem maður er að spila í vissri borg það sama kvöld.“

Hvernig höndlarðu frægð­ina?
„Vel, vona ég,“ segir Jökull blátt áfram. „Ég reyni ein­fald­lega að ein­beita mér að því sem þetta snýst um fyrir mig, tón­list­inni. Þetta líf getur verið, eins og áður sagði, nokkuð öðru­vísi en maður þekkti svo mér finnst gott að koma mér upp rútínum og reyna að jarð­tengja mig þannig. Svo á ég líka frá­bæra kær­ustu sem styður mig og ég á gott bak­land heima á Íslandi.“

En hverju hefur frægðin breytt fyrir þig per­sónu­lega?
„Eins og ég sagði áður þá er „frægð“ ekki beint eitt­hvað sem hefur endi­lega áhrif á mig dags­dag­lega. Aftur á móti hefur líf mitt gjör­breyst síð­ustu ár frá því að vera ungur maður í Mos­fellsbæ í venju­legu vernd­uðu umhverfi. Tón­listin mín hefur tekið mig út um allan heim og ég er mjög hepp­inn að vera í þeirri stöðu að fá að ferð­ast og vinna við það sem ég elska.“

Jökull hefur áður við­ur­kennt að aðdá­endur geti verið aðgangs­harðir, sér­stak­lega á Netinu, en hann hefur ekki til­tekið neinar sér­stakar upp­á­komur. Spurður hvort hann hafi aldrei lent í ein­hverjum vand­ræða­legum eða erf­iðum atvikum af hendi aðdá­enda vill hann sem minnst úr því gera.
„Það er ekk­ert sér­stakt atvik sem ég man eftir,“ segir hann. „Við erum með góðan hóp af fólki sem hjálpar okkur, líka við að fá þann frið og næði sem við þurfum í kringum tón­leika­hald. Það er auð­vitað alltaf gaman að tala við aðdá­endur og mér finnst það líka magnað hvað fólk leggur á sig til að koma á tón­leika alls staðar að úr heim­inum. Á síð­ustu tón­leikum í Texas í des­em­ber var til dæmis stór hópur frá Suður-Afríku kom­inn alla leið til Texas á tón­leik­ana.

Svo er það ótrú­legt hvað Íslend­ingar virð­ast leyn­ast alls staðar. Við erum nán­ast alltaf með ein­hverja Íslend­inga í salnum sama hvar við erum að spila í heim­inum.“

Lestu við­talið við Jökul í heild sinni í nýjasta Mannlífi.