Markmið Noguchi með list sinni var að þjóna bæði hagnýtum og félagslegum þáttum og hafði skúlptúrstíll hans varanleg áhrif á hugmyndafræði hönnunar á sjötta áratugnum, sem einkenndist af lífrænum formum. Árið 1951 byrjaði Isamu Noguchi að hanna Akari-ljósin, fyrir Vitra, sem líkjast einna helst skúlptúrum. Akari þýðir ljós á japönsku með tilvísun í lýsingu og léttleika.
Á ferð sinni um Japan heimsótti Noguchi bæinn Gifu sem er þekktur fyrir framleiðslu sína á ljósaskermum og pappírssólhlífum. Meðan á dvöl hans stóð teiknaði hann fyrstu tvo Akari-ljósaskúlptúra sína og næstu árin á eftir bjó hann til yfir 100 gerðir. Línan samanstendur af borð-, gólf- og loftlömpum sem eru 24 til 290 cm að stærð og er hvert ljós handsmíðað af fjölskyldureknu fyrirtæki í Gifu. Ljósin hafa form sólar og tungls sem er skírskotun í japanskt letur sem tákna á áreiðanleika hverrar vöru. Ljósin koma í flötum pakkningum.
Athugasemdir