„Kári sagði mér að hætta að afsaka mig“

Um fátt er meira rætt í sam­fé­lag­inu og á frétta­miðlum í dag en við­tal Kast­ljóss­ins í gær­kvöldi við Kára Stef­áns­son.

Mörgum þykir Kári hafa verið dóna­legur, á meðan aðrir segja Einar Þor­steins­son, frétta­mann RÚV og spyril í við­tal­inu, hafa sýnt Kára dóna­skap, þegar hann sagði Kára rugl­aðan.

Sjá einnig: Viðbrögð fólks við fram­komu Kára í Kast­ljósi – „Orðlaus“

Í færslu á Facebook útskýrir Einar hvers vegna hann sagði Kára rugl­aðan.

„Beinar sjón­varps­út­send­ingar eru mis­mun­andi miklar óvissu­ferðir. Viðtalið í gær við Kára Stef­áns­son var nokkuð óvenju­legt en um leið skemmti­leg reynsla. Kári er ein­stakur maður sem talar tæpitungu­laust. Það hefur ekki farið fram hjá mér að sumum þykir ég hafa sýnt Kára dóna­skap með því að segja „þú ert rugl­aður,“ segir Einar og segir að það sé vissu­lega óvenju­legt að segja slíkt, en það hafi ekki verið illa meint.

„En mér fannst á þessu augna­bliki það að blokka síma­númer Þórólfs sótt­varna­læknis ein­fald­lega dáldið rugluð ákvörðun. En þetta var ekki illa meint. Og ekki sagt nema til að fanga augna­blikið sem var svo furðu­legt.“

Hann segir þá Kára hafa átt gott spjall boði fyrir og eftir við­talið. Eftir við­talið hafi Einar byrjað að afsaka sig vegna óhefð­bund­ins við­tals.

„En Kári stopp­aði mig og sagði mér að hætta að afsaka mig, ég hefði ekki gert neitt rangt. Þetta hefði verið gott við­tal.“