Gríðarlegt tap Icelandair

Icelandair flug­fé­lagið tap­aði tæpum 27 millj­örðum króna á fyrsta árs­fjórð­ungi árs­ins. Það fer nærri því sem félagið stefnir á að safna í fyr­ir­hug­uðu hluta­fjár­út­boði í júní þar sem almenn­ingi verður boðið að taka þátt ásamt fjár­festum. Lausa­fjár­staða félags­ins nálg­ast að vera komin undir lág­mark­s­við­mið þess.

Sjá einnig: Þjóðin situr uppi með Icelandair

Mannlíf fjall­aði um erf­iða stöðu Icelandair í helg­ar­blað­inu sem kom út í gær. í gær birti einnig Icelandair í Kauphöll bráða­birgða­tölur sínar úr upp­gjöri fyrsta árs­fjórð­ungs. Ljóst er að staða félags­ins er alvar­leg og hefur rík­is­stjórnin lýst sig til­búna til að koma að lánum eða ábyrgðum til flug­fé­lags­ins. Það verður hins vegar ekki gert nema fjár­hags­leg end­ur­skipu­lagn­ing Icelandair gangi sam­kvæmt áætlun og þar skiptir sköpum öflun nýs hluta­fjár í útboð­inu í næsta mán­uði.

Athygli vekur að hluti taps­ins, eða tæpir 7 millj­arðar, tengj­ast fram­virkum samn­ingum Icelandair á olíu. Þessi stefna flug­fé­lags­ins að verja sig með þessum hætti kemur nú illa niður á félag­inu þegar olía á mark­aði hefur snar­lækkað.