Spyr hvenær ríkisstjórnin ætli að hugsa um fólkið í landinu

Þing­mað­ur­inn Inga Sæland, for­maður Flokks fólks­ins, skrifar pistil sem birt­ist í Morg­un­blað­inu í dag um þá aðgerð­ar­pakka sem rík­is­stjórnin hefur kynnt und­an­farið vegna útbreiðslu COVID-19. „Nú verður rík­is­stjórnin að gera svo vel að huga að almenn­ingi í land­inu,“ skrifar Inga í pistil sinn þar sem yfir­skriftin er: „Hvenær kemur að fólk­inu?“.

Hún segir krepp­una sem blasir við vegna kór­ónu­veiru­far­ald­ur­ins stefna í að verða verri en afleið­ingar efna­hags­hruns­ins 2008.

Inga segir Flokk fólks­ins bíða eftir að rík­is­stjórnin setji saman aðgerða­pakka fyrir fólkið í land­inu, ekki bara fyr­ir­tækin. „Við viljum sjá að fjöl­skyldur, lág­launa­fólk, aldr­aðir og öryrkjar séu við­ur­kenndir hópar í sam­fé­lag­inu. Þetta fólk er að ganga í gegnum sömu erf­ið­leika og allir aðrir. Það er miklu fleira sem byggir sam­fé­lagið en ein­ungis fyr­ir­tæki, þó vit­an­lega vinni þetta allt saman.“

Inga seg­ist gera sér grein fyrir að fyr­ir­tækin séu mik­il­vægt tann­hjól í gang­verki sam­fé­lags­ins en að það sé þó „ólíð­andi“ að horfa upp á aukna kaup­mátt­arrýrnun hjá fátæk­asta fólk­inu.

„Við verðum að bjarga heim­il­unum í greiðslu­skjól meðan storm­ur­inn gengur yfir og við erum að ná áttum og aðlaga okkur að nýjum veru­leika. Ég vil sjá belti og axla­bönd á fjöl­skyld­urnar í land­inu, “ skrifar Inga og spyr af hverju sé t.d. ekki minnst einu orði á verð­tryggð hús­næð­is­lán í aðgerð­ar­pökkum rík­is­stjórn­ar­innar. „Það er hvergi litið til þess að koma til móts við fólkið okkar sem er með verð­tryggð fast­eigna­lán.“

Inga rifjar upp afleið­ingar efna­hags­hruns­ins sem hófst 2008. „Fjöldi Íslend­inga kaus með fót­unum og yfir­gaf landið og mörg þeirra hafa ekki snúið aftur. Fjöl­skyldur sundr­uð­ust. Ég vil ekki sjá að sú martröð end­ur­taki sig.“ Hún segir það vera skildu stjórn­valda að vernda eigin borg­ara.