Óvíst með framhaldið

Enn sem komið er hafa íslensku ferða­skrif­stof­urnar ekki fellt niður flug­á­ætlun sum­ars­ins til Tenerife en plönuð eru nokkrar ferðir í viku í allt sumar.

Fjallað er um málið í nýjasta tölu­blaði Mannlífs.

Þráinn Vig­fús­son, fram­kvæmda­stjóri ferða­skrif­stof­unnar Vita, segir öryggi far­þeg­anna ávallt haft í fyr­ir­rúmi og er sann­færður um að Íslend­ingar muni aftur flykkj­ast til eyj­unnar. „Varðandi þró­un­ina í sumar munum við bíða og sjá hvernig dregið verður úr tak­mörk­unum bæði hér­lendis og erlendis. Við lögum okkur að ástand­inu og fellum niður þær ferðir sem ekki er raun­hæft að hafa í sölu. Við höfum ávallt öryggi okkar far­þega í fyr­ir­rúmi og bjóðum öllum okkar far­þegum að end­ur­bóka og breyta bók­unum sínum án kostn­aðar,“ segir Þráinn.

„Það hefur gengið ágæt­lega að bóka vet­ur­inn á Tenerife og er nú þegar t.d. upp­selt í jóla- og ára­móta­ferð­ina okkar. Ég held að þegar ástandið lag­ast og fólk geti farið að ferð­ast aftur verði komin nokkur upp­söfnuð þörf hjá fólki að kom­ast í sól og hita. Þannig að við erum bjart­sýn á fram­tíð­ina og að ferða­lög verði áfram eitt­hvað sem fólk lætur eftir sér.“

ítar­lega er fjallað um málið í nýjasta Mannlífi og meðal ann­ars rætt við Íslend­inga sem eru í rekstri á Tenerife.