Í nótt höfðu lögreglumenn sem voru við eftirliti á Suðurnesjum afskipti af aðila sem var á göngu með bakpoka á bakinu.
Lögreglumenn könnuðust við hann og kviknaði strax grunur um að aðilinn tengdist innbrotahrinu á svæðinu. Þetta kemur fram í færslu á Facebook-síðu lögreglustjórans á Suðurnesjum.
Í ljós koma að aðilinn var með fullan poka af þýfi.
„Aðilinn heimilaði lögreglu að skoða í bakpokann sem hann var með og var hann augljóslega ekki í eigu mannsins. Aðilinn var handtekinn og viðurkenndi hann síðar að hann hafi verið að koma úr innbroti.“
Sjá handtekni vísaði þá lögreglu á hvar hann byggi og þar fannst mikið mikið magn af veiðidóti, verkfærum og öðrum munum sem taldir eru þýfi.
„Annar maður var í íbúðinni og er hann einnig talinn tengjast innbrotunum, sá var einnig handtekinn. Við vinnum nú að því að skrá þessa muni og fara yfir allt saman , aðilarnir verða yfirheyrðir síðar í dag. Við munum vera í sambandi við þá sem kært hafa þjófnaði undanfarið og fáum þá aðila til að koma og bera kennsl á hluti sem við haldlögðum í nótt,“ segir í færslunni.
Athugasemdir