Við stefnum á að byrja ferðir til Tenerife og Alicante í júlí en það verður að liggja betur fyrir hvernig tekið er á móti Íslendingum á Spáni og ekki síst í KEF við heimkomu.
Ef það er þannig að Íslendingar þurfi að fara í skimun og greiða töluverða fjármuni fyrir, ef t.d. fjölskylda er að ferðast saman, þá held ég að Íslendingar muni almennt ekki ferðast í miklu mæli fyrr en því tímabili lýkur og ferðafrelsi sé orðið nokkuð óheft.
Þannig að við bíðum með ákvörðun um dagsetningar þar til málin skýrast.
Að öðru leiti höfum við verið með ferðir til Tenerife og Kanarí í sölu síðan í mars og gengur salan nokkuð vel miðað við aðstæður og er t.d. jóla- og áramótaferðin til Tenerife löngu uppseld.
Einnig settum við í sölu fyrir um mánuði síðan, ferðir til Tenerife og Alicante sumarið 2021. En við fengum fjölda fyrirspurna frá viðskiptavinum sem áttu ferðir í vor og sumar og vildu færa ferðirnar um ár.
Frá því í byrjun apríl höfum við endurgreitt öllum viðskiptavinum sem óskað hafa eftir því. Meirihlutinn hefur samt kosið að færa ferðirnar á aðra dagsetningu eða fengið inneign á aðra ferð.
Athugasemdir