Sturlað brauð á grillið

Ágætt er að baka brauð við óbeinan hita, þá bak­ast þau hægar og minni líkur á að þau brenni mikið. Hér gildir það sama og í brauð­bakstri almennt, hnoðið deigið vel og vand­lega og gefið því góðan tíma til að hef­ast. Síðan er mik­il­vægt að fylgj­ast með grill­inu þannig að hægt sé að færa brauðin til og snúa eftir þörfum. Flóknara er það nú ekki.

Grillað brauð með lauk, osti og arab­ísku kryddi
4 stk.

brauð­deig:
300 g hveiti
1 tsk. þurr­ger
1 msk. sykur
1 tsk. salt
1 tsk. lyfti­duft
2 dl hrein jógúrt
2 msk. olía
1 dl volgt vatn

ofan á:
2-3 msk. smjör, brætt
2 tsk. „Arab­ískar nætur“ – krydd­blanda frá Potta­göldrum, eða önnur krydd­blanda að eigin vali
1/4 rauð­laukur, mjög þunnt skor­inn
1-2 dl rif­inn ostur
2-3 greinar ferskur kórí­ander
gróft sjáv­ar­salt

Blandið þurr­efn­unum saman og búið til holu í miðj­una. Blandið jógúrt, olíu og vatni saman og blandið smátt og smátt saman við þurr­efnin. Hnoðið deigið vel saman í höndum. Látið það lyfta sér á hlýjum stað undir rökum klút í a.m.k. klst. eða þar til það hefur u.þ.b. tvö­fald­ast að umfangi. Mótið fjögur flat­brauð sem eru u.þ.b. 2 cm þykk. Hitið grill í u.þ.b. 220°C og grillið brauðin við óbeinan hita á annarri hlið­inni. Snúið þeim þegar þau hafa tekið fal­legan lit, penslið þá bök­uðu hlið­ina með smjöri, stráið kryddi yfir og dreifið rauð­lauk og rifnum osti ofan á. Grillið áfram þar til brauðið er bakað í gegn. Dreifið gjarnan ferskum kórí­ander og grófu sjáv­ar­salti yfir áður en brauðið er borið fram.

Upp­skrift/ Kristín Dröfn Ein­ars­dóttir
Myndir/ Aldís Páls­dóttir
Stílisti/ Ólöf Jakobína Ernu­dóttir