Heimilislækni líst ekki á blikuna eftir að Þórólfur dró í land: „Ég hef áhyggjur af framhaldinu“

Það er veru­legt áhyggju­efni að Þórólfur Guðnason sótt­varn­ar­læknir hafi komið Þórdísi Kolbrúnu Reyk­fjörð Gylfa­dóttur ráð­herra til varnar. Það er álit Freys Rún­ars­sonar heim­il­is­læknis sem skrif­aði í fyrra­dag pistil á Facebook sem vakti tals­verða athygli líkt og Hring­braut greindi frá. Hann segir að Íslend­ingar verði hysja upp um sig bux­urnar hvað varðar COVID-far­ald­ur­inn.

Myndir á sam­fé­lags­miðlum sýndu að lands­menn væru ekki á varð­bergi, líkt og mál Þórdísar Kol­brúnar ferða­mála­ráð­herra er gott dæmi um þegar hún skellti sér á frægt Covid-djamm með vin­konum sínum. Freyr telur að Þórólfur hafa talað gegn eigin ráð­legg­ingum í gær en þar sagði Þórólfur að tveggja metra reglan sner­ist bara um fólk sem þekkt­ist ekki sín á milli. Þannig kom Þórólfur Þórdís til varnar en hún hafði hitt æsku­vin­konur um helg­ina. Freyr spyr þá hvort 100 manna ferm­ing­ar­veisla sé í lagi, þar þekk­ist jú flestir.

Freyr vísar í frétt Frétta­blaðs­ins um upp­lýs­inga­fundi almanna­varna og skrifar:

„Getur verið að stóri vand­inn sé upp­lýs­inga­flæði? Veit fólk hvað tveggja metra reglan felur í sér? Ég verð amk að við­ur­kenna að eftir að ég las þessa frétt hér þar sem mér finnst sótt­varn­ar­læknir bein­línis tala gegn eigin ráð­legg­ingum að nú er ég bara ekki viss hvað er verið að ráð­leggja okkur?“

Freyr vísar svo í vef almanna­var­ana . „Ég veit þó að inná vef Almanna­varna stendur þetta orð­rétt:

„Almenn nálægð­ar­tak­mörkun. Hvar sem fólk kemur saman og í allri starf­semi þarf að hafa hafa a.m.k. 2 metra á milli ein­stak­linga sem ekki deila heim­ili. Þar sem ekki er hægt að tryggja 2 metra fjar­lægð milli ein­stak­linga þarf að nota and­lits­grímu sem hylur nef og munn. Þetta á t.d. við um almenn­ings­sam­göngur, þ.m.t. inn­an­lands­flug og far­þega­ferjur, og starf­semi s.s. hár­greiðslu­stofur og nudd­stofur. Mik­il­vægt er að kynna sér leið­bein­ingar um notkun and­lits­gríma.“

og þetta eru þær leið­bein­ingar sem meika sens enda vel þekkt að SARS veiran smit­ast via útöndun. Nú virð­ist eiga að laga þetta eitt­hvað til? Til­viljun?,“ spyr Freyr.

Hann seg­ist að lokum hafa veru­legar áhyggjur af fram­hald­inu eftir þetta. „Skil ekki þessar pæl­ingar…er þá 100 manna ferm­ing­ar­veisla bara í lagi…eng­inn þarf að spá í tveggja metra fjar­lægð af því að um vini og vanda­menn er að ræða svo lengi sem þau þekkj­ast sín á milli? Af því að hvað…þetta fólk getur ekki borið veiruna með sér? Ég hef áhyggjur af fram­hald­inu ef þetta eru skila­boðin!!!“