Jóhannes óttast að næsta ferðasumar sé á leið til glötunar

Jóhannes Þór Skúlason, for­maður Samtaka ferða­þjón­ust­unnar, ótt­ast að næsta ferða­sumar sé á góðri leið til glöt­unnar auk­ist fyr­ir­sjá­an­leiki sótt­varn­ar­að­gerða ekki fljót­lega. Nú sé gengið í garð mjög mik­il­vægt sölu­tíma­bil stærstu kúnn­anna sem haldi að sér höndum vegna ófyr­ir­sjá­an­leik­ans. For­mað­ur­inn ber von í brjósti að skimun­ar­skyndi­próf bjargi mál­unum.

Kór­ónu­veiru­prófið sem um ræðir gefur niður­stöður á 15 til 30 mín­út­um og hefur Alþjóða­heil­brigð­is­mála­stofn­unin gefið sam­þykki fyrir notkun einnar slíkrar teg­undar og von er á annarri teg­und á næstu dögum. Sam­þykkta prófið kemur frá Suður-Kóreu og minn­ir á óléttu­próf í út­liti. Nið­ur­staða sýn­is­ins er sýnd með blá­um strik­um, tvö blá strik tákna já­kvætt sýni. Hin teg­und­in sem vænt­an­leg er kemur frá Banda­ríkj­unum.

Aðspurður segir Jóhannes Þór það veita sér frek­ari von reyn­ist prófið vel svo hægt verði að opna landið almenni­lega. Hann seg­ist lengi hafa talað fyrir því að ferða­fólk geti fram­vísað á landa­mær­unum vott­orði fyrir skimun og skyndi­prófið sé í raun útfærsla á því. „Það er auð­vitað mjög jákvætt ef það er slíkt próf á leið­inni því þá kemur upp mögu­leik­inn á að tengja þau við flugin milli landa. Þannig væri hægt að taka prófið og fá nið­ur­stöð­una áður en lagt er af stað í flug. Ef þetta er eitt­hvað sem virkar og upp­fyllir allar kröfur þá gæti ríkið aðlagað sínar landamæra­sótt­varnir að slíkri lausn og hún myndi ýta betur undir ferða­lög hingað,“ segir Jóhannes Þór sem ítrekar mik­il­vægi þess að sanna þurfi hversu áreið­an­leg prófin eru og að sótt­varn­ar­yf­ir­völd hér­lendis gefi þeim grænt ljós.

Jóhannes Þór telur óljóst hversu langan tíma það tekur að fá slík skyndi­próf í almenna notkun, það gæti alveg eins verið langur vegur að mati for­manns­ins. „Við höfum lengi hvatt stjórn­völd til að skoða ýmsa raun­hæfa mögu­leika til þess að geta slakað á kröf­unum við landa­mærin og hægt verði að selja ferðir til Íslands. Svona próf gæti reynst leið til þess en við höfum lengi talað um þann mögu­leika að ferða­menn geti fram­vísað vott­orði fyrir skimun á landa­mær­unum.“

Aðspurður segir Jóhannes Þór stöð­una vera ein­fald­lega þá að eins og staðan er núna er ekki hægt að selja Ísland sem áfanga­stað. Hann ótt­ast að næsta sumar sé á góðri leið til glöt­unar. „Við erum núna stödd á mjög mik­il­vægu sölu­tíma­bili stóru ferða­skrif­stof­anna sem eru gríð­ar­lega mik­il­vægur kúnni. Þessir aðilar vita ekk­ert um það hvernig sótt­varnir á landa­mærum Íslands verða, hvorki eftir mánuð né í vor. Fyr­ir­sjá­an­leik­inn er eng­inn og það kaupir eng­inn nema með ein­hverri vissu um hvað er framundan. Ef við seljum ekk­ert núna á þessu tíma­bili þá erum við strax að skaða veru­lega verð­mæta­sköp­un­ina næsta sum­ars. Það væri gríð­ar­legt högg fyrir sam­fé­lagið allt. Þetta virkar ekki þannig að við getum bara skrúfað frá krana í maí og þá bara komi fólk,“ segir Jóhannes Þór.