Garðar er þriggja barna faðir: „Árið er 2020 og ég virðist ekki eiga nein börn“

Garðar Atli Jóhanns­son, þriggja barna faðir, segir farir sínar ekki sléttar eftir nýleg veik­indi barns­ins síns og hafa verið meinað um afgreiðslu sýkla­lyfja fyrir barnið. Þrátt fyrir að vera með helm­ings for­ræði yfir börnum sínum skilur Garðar ekk­ert í því að kerfið líti nán­ast svo á að hann eigi ekki börn.

Garðar fjallar um málið í færslu sinni á Facebook. „Ekki oft sem ég nenni að tuða yfir ein­hverju hérna á fjés­bók en ég bara verð núna. Þú ert frá­skil­inn faðir með 1 til 3 börn. Barns­móðir þín er með lög­heim­ili en þið eruð með 50/50 for­ræði og skiptið krökk­unum viku og viku. Barnið/börnin eru hjá pabba sínum og eitt verður lasið og þarf að fara til læknis, sem er ekk­ert mál og pabbi og barn fara á lækna­vakt. Barnið þarf að fá sýkla­lyf sem er heldur ekk­ert mál og skrifar læknir upp á það og sendir föður og barn í apó­tek,“ segir Garðar og bendir á að þá fyrst fór málið að flækj­ast þegar í apó­tekið var komið:

„Í apó­tek­inu fá svo faðir og barn þjón­ustu og faðir segir kenni­tölu barns­ins síns en er til­kynnt að hann megi ekki leysa út sýkla­lyf fyrir veikt barnið sitt því það er ekki með lög­heim­ili hjá honum. Í þess­ari heim­sókn í apó­tekið er barnið búið að vera kalla hátt PABBI yfir allt apó­tekið að henni líði illa og vilji fara heim. Samt er pabb­inn spurður tvisvar sinnum hvort hann sé ekki örugg­lega pabbi barns­ins og réttur pappír sem barns­móðir þarf að skrifa undir til þess að pabb­inn fái að leysa út lyf fyrir barnið,“ segir Garðar Atli ósáttur.

Þetta eyðu­blað seg­ist Gatli hafa fengið í apó­tek­inu til útfyll­ingar.

Í kjöl­farið á apó­teks­heim­sókn­inni seg­ist Gatli hafa farið inn á síðu Star­fræns Íslands og þar virð­ist eing og hann eigi engin börn. Hann seg­ist ein­fald­lega vera faðir sem elski börnin sín og vilji þannig hafa eitt­hvað að segja um þeirra fram­tíð. „Árið 2020 og við erum ennþá bara þarna. Réttur for­eldra þrátt fyrir 50/50 for­sjá sem ekki hafa lög­heim­ili er akkúrat eng­inn. Ég er þessi umræddi faðir og þegar ég fer til dæmis inn á mínar síður eða @island.is, þá virð­ist ég ekki eiga nein börn. Ég get ekki skráð börnin mín í íþróttir og allt sem þeim teng­ist hef ég ekk­ert um að segja nema tala við barns­móðir mína. Ég er bless­un­ar­lega rosa­lega hepp­inn með barns­móður og hef það mikið betra en margir feður. Faðir sem elskar börnin sín og vill fá að hafa eitt­hvað um hlut­ina sem snúa að þeim og kerf­inu að segja. Þetta kerfi er úrelt og því þarf að fara breyta,“ segir Garðar.