Laufey örvæntingafull í skelfilegri stöðu – Á hvorki fyrir mat og lyfjum

„Ástandið hjá mér er skelfi­legt og ekk­ert í stöð­unni nema að athuga hvort að ein­hver geti hjálpað mér.“

Svona hefst færsla Lauf­eyjar nokkrar í Facebook-hópnum Hjálp­ar­hönd þar sem fólk í neyð getur óskað eftir hjálp almenn­ings. Sífellt fleiri færslur birt­ast þar nú enda versnar ástandið dag frá degi.

Laufey segir í sam­tali við Mannlíf að hún sjá enga aðra leið greiða en fara þessa leið Hún seg­ist þó skamm­ast sín og biðst undan að koma fram undir fullu nafni. „Venju­lega er það ég sem hjálpa öðrum,“ segir Laufey. Hún er í skelfi­legri stöðu nú í upp­hafi mán­aðar. Hún gerði þau „mis­tök“ að vera í hluta­starfi og vera öryrki. Því býðst henni engin aðstoð frá yfir­völdum.

„Þessi mán­aða­mótin fékk ég 190 þús­und útborgað og bara leigan er 220 þús­und. Þannig að dæmið gengur ekki upp. Ástæðan er að ég er öryrki og var að reyna að vera í hluta­starfi, það var lág­launa­starf, en TR metur það sem svo að ég hafi verið of launahá. Ég fæ 152 þús­und frá þeim fram yfir ára­mót og svo fæ ég 35 þús­und úr líf­eyr­is­sjóð,“ segir Laufey.

Hún hafi þó þurft að hætta nýlega. „En ég varð að hætta að vinna vegna þess að ég hafði ekki heilsu í það, lík­am­inn er bara búinn. Fyrir utan leigu er mjög mik­il­vægt fyrir mig að borga lyfin mín en þau kosta níu þús­und á mán­uði í lyfja­skömmtun. Ég er 60 ára og bý ein, ég er með syk­ur­sýki og er mjög mik­il­vægt að ég borði reglu­lega og ég má ekki borða hvað sem er,“ segir Laufey.

Hún seg­ist hafa lent á milli skips og bryggju hvað varðar aðstoð rík­is­ins. „Ég fæ ekki húsa­leigu­bætur því ég er búin að vera of „launahá“ og fæ ekki aðstoð hjá hjálp­ar­stofn­unum af sömu ástæðu,“ segir Laufey.

Þeir sem vilja aðstoða Laufey geta lagt inn á banka­bók hennar hér fyrir neðan.

0314-13-146007 KT 161060-3569