Theódóra var í einangrun í 7 vikur með COVID-19: „Ég veit ekki hvenær ég verð heil aftur“

Theodóra Mýrdal veikt­ist af Covid-19 í fyrstu bylgju síð­asta vetur. Hún lagð­ist inn á gjör­gæslu 21. mars og lá í kjöl­farið í ein­angrun í sjö vikur vegna veik­ind­anna. Theodóra glímir enn við afleið­ingar veirunnar og biður fólk um að vera ekki rass­hausar með því að kvarta undan þrí­eyk­inu.

Þetta segir Theodóra í færslu sinni á Facebook. „Já ég var í ein­angrun í 7 vikur. Verkirnir sem ég upp­lifði voru bein- og vöðva­verkir af öðrum heimi. Mér leið eins og það væri verið að rífa mig í sundur. Ég missti allt bragð­skyn og lykt­ar­skyn. Ég missti rödd­ina vegna gíf­ur­legrar háls­bólgu og gat varla kyngt. Var með stöðugan höf­uð­verk allan tím­ann og hann fæ ég ennþá í dag. Ég var svo lasin að ég hafði varla orku að fara á kló­sett, ég mædd­ist við það að klæða mig. Hóstinn var svo mik­ill að ég bjóst alveg við að sjá lungun mín koma með í einu kast­inu,“ segir Theodóra. 

Theodóra segir covid-19 veiruna óút­reikn­an­lega og það hafi oft komið fyrir að hún taldi sig hafa jafnað sig. En allt kom fyrir ekki. „Klukku­stund síðar lá ég með svo mikla bein­verki og van­líðan, eins og ég væri með 40 stiga hita. Alveg eins og veiran er óút­reikn­an­leg þá eru eft­ir­köstin ekk­ert betri. Ég er núna með lungna­teppu og þarf að taka ster­apúst á morgn­ana og kvöldin og inn á milli þarf ég að pústa mig. Fæ ast­ma­köst upp úr þurru. Ef ég geri „of mikið“ yfir dag­inn fæ ég „covid19″ ein­kenni eins og bein­verki og höf­uð­verk. Ég glími við mik­inn ein­beit­ing­ar­skort (sem er ekki gott í minni vinnu né námi) og eftir vinnu þá kem ég heim úrvinda. Ég verð þreytt á núll einni…það er bara eins og ein­hver sé með takka og ýti á hann.“

Theodóra telur sig samt vera heppna því ekki hafi hún endað í önd­un­ar­vél á gjör­gæslu. Hún hefur ítrekað leitað til lækna eftir aðstoð við eft­ir­köstum covid-19 en fær fá svör. „Ég veit ekki hvenær ég verð heil aftur. Ef ég fer til læknis til að fá hjálp, fæ ég iður­lega þessi svör „ég veit ekk­ert“ eða „þú verður bara að vera þol­in­móð“. Ég er EKKI með mótefni en læknar segja að T frum­urnar mínar séu búnar að mynda ónæmi og því ætti ég ekki að veikj­ast aftur. En ég verð samt að segja að ég hræð­ist þetta dálítið, því það er eng­inn viss hvernig þessi veira hagar sér,“ segir Theodóra og bætir við:

„Ekki vera rass­haus og kvarta og kveina yfir aðgerðum þrí­eyk­is­ins og rík­is­stjórn­ar­innar, vertu þakk­lát/ur því trúðu mér ef þú veik­ist og færð sömu eft­ir­köst og ég þá ert þú kannski ekk­ert á leið­inni í rækt­ina næstu mán­uð­ina af sama krafti og núna. Notaðu grímu, þvoðu hendur, sótt­hreins­aðu þær og haltu 2 metra reglu! Þetta eru engin geim­vís­indi!“